إغتيااااال خرووووف

"عملية إغتيال الخروووف"
طبعاً العييد فرحه لنا نحنو بني ادم (حلوه نحنو هذة الي من بدايتها كذا عز الله بنجيب العييد ) لكن للخرفان وتوابعهم يعتبر كابوس فلم رعب من انتااج واخراج وتمثيل سفاح بدوووي
كالعادة خروفنا ينتظر فوق السطح وكله امل في الحياه بأن يصحو غداً ويغرد فوق الشجره بصوته الشجي >>> تعبير واحد محشش
المهم عندنا عادة متوارثه من يوم كنا صغار قبل ان تذبح الذبيحه ( الاضحيه نترجم للاخوه العرب ) نطلع للخروف نسولف معه نسليه قبل مايموت ونشوف اذا كان عنده وصيه او امنية قبل ما يوووودع لكن غالباً ما تخرج وصايتهم عن ثلاث اشياء امبااااااع او بااااااااع او بععععع
اكيد محد فهم من الوصايا شيء لكن المخلوقات البدوية فاهمة بتأكييييييد ( الحين يزعلون علينا البدوو تراني بدوي وبختم الجودة بعد فالحد يزعل ) لكن الاخوه الحضر او المتحضرين المتحضرين اصلهم بدو لكن مسوين فيها حضر تلقى الواحد لابس جنز على بذله علاقي ومسوي حضري ولا تلقاه لابس نظاره شمسية فالليل , قوييه نظاره شمسية فالليل لكن ترى صدق صااارت هذة السالفه لواحد الله يذكره بالخير والله انه طيب ورجل صالح ويحب الخير للجميع دايم اشوفه فالمسجد خلونا ندعي له يا اخوان <<< (:
بس برضه مانفعت الحييييله كشفوني اني بدوي مع اني والله ذاك اليوم (متروش = متسبح) ومتعطر بس الظاهر فيه شيء مميز فينا نحن البدوو مدري هو ريحتنا ولا مشيتنا الواحد يمشي وتسمع مشيته من على بعد عشره كيلوووو من كثر مايحك حذيانه فالارض لا وبعضهم مهما تقوله المشيه ذي مهي حلووه مايغيرها مدري هي تطربه هذة المشيه ولا وش قصة اهله << عصب اندمج مع الدوووووور
ترى خرجت عن النص نرجع لظهيييير حديثنا طفشنا وحنا نعتمد على المحور وننهزم
المهم فيكون خروفنا المسكين مربوط وحنا متجمعين حوله الاطفال يلعبون مع الخروف في اخر ثواني حياته والكبار يخططون لإرتكاب الجريمه ويجهزون موضع ارتكابها ثم يبدأ العد التنازلي
ونتجه كلنا نحو الخروف المغلوب على امره وعيناه قد اغرورقت بالدموع لكن مفيش فااايد ه حتموت حتموت وانته زي الحيوان يا حيوان ونمسك الخروف واحد يمسك (كراعه = رجله) والثاني يمسكه مع رقبته ونقطع الحبل ونسحب الخروف الى ساحة القصاص وهو يمشي بخطى متثاقله وينظر من حوله نظره اخيره للدنيا طبعاُ ما يشوف شيء لاننا حوله السفاحين فهذا من زود النذاله نخلي اخر صورة تعلق في ذاكرته اخر ايام حياته صورنا ثم بحركه بهلاوانيه خطافيه نمسك كراعه اليسرى ونسحبها في اتجاه عكس عقارب الساعه ( العن ابو الاسلوب العلمي ياشيخ ) واحد يمسك الاقدام الخلفيه وواحد الامامية وواحد وهو رئيس العصابه يمسك برقبة الخروف ويذكيها من المكان المخصص للتذكيه ولاتنسون القبله مو تروحون توجهون الخروف جهة ثانية كنكم هنود كذا حتى الخروف يموت مشرك وكافر والعياذ بالله
بعدين تبدأ التذكيه والدماء تسيل في ساحة المعركه ويبدأ الخروف مستنجداً بكل قواه ويصرخ ويرافس لكن لا مفر من شرع الله وتبدأ بسماع صوت الروح وهي تغرغر وتسمع هتاف الجماهير الله اكبر الله اكبر , ماصارت اضحية معركة حطين هذة ثم نبدأ في مرحلة الصلخ بمعنى اخر تقشير الاضحية في البداية نصلخها من جهة كراعينها الخلفية ونشق الى منتصف الذبيحه طبعا الشق يكون للجلد فقط مو تروح تشق بكل قوه توصل للعمود الفقري
حرام كذا بعدين يتألم الخروف ويتعذب <<< !! يتألم اوماااال الجثه دي جثة مين قتك نيله (:
ثم نصل إلى مرحلة تعليق الاضحيه تعلقها في شنكااااار يرتفع عن الارض متر وحسب طولك طبعاً مو تروح ترفعها متر وانت طولك نص متر بعدين تووووورط نفسك وتحرج نفسك قدام الجماهير الغفيرة من قرايبك واطفالهم وعائلاتهم الكريمه ماصارت اضحية يجيبون عيالهم يتفرجون بعد مع إن الدكتور ميسرة يقول هذا مو زين للأطفال يسبب لهم عقد نفسية ويمكن انحراف عدواني يروح يطبق في اخوانه هذة وجهة نظر الدكتور ميسرة والطب النفسي لكن وجهة نظراخوانا البدو طبعاً بأن الطفل يكتسب شجاعة ويتعلم , مع انه لي سنوات وانا اذبح مع الوالد لكن ماقد ذبحت اضحية بنفسي اعتقد فيه شيء خطأ في العملية التعليمية أو في الخرووووف موش فيه انا طبعاً (:
نرجع لهجوم حديثنا بعد تعليق الاضحية تبدأ في صلخها من جهة القفص الصدري اخراج وتستمر في التقشير الى ان تقشر الاضحية كاملة وعلى فكرة عند تعليق الاضحية تعلق الاضحية من ارجلها الخلفيه وهذا مطرح سؤال مهم اسالكم هوو لماذا نعلق الاضحية من ارجلها الخلفيه؟؟؟ هذا السؤال طرحته على نفسي كثيييير وانا صغير لم اصل إلى اجابة الا متأخراً طبعاً مقدر اسأل الوالد طوال تلك الفتره حتى ما اتفشل قدامه الجواب وبكل قمة قرررررف حتى لا تخرج الفضلات وتوسخ اللحم والاضحية بـ أكملها << لاتصدقون ترى امزح لاتصيرون مرررره دلوخ تصدقون أي شيء اقوله لكم
الا هل بلغت اللهم فاشهد عشان مفيش حد يجي اخر السنه ويقول ماؤلتش الكلام ده (:
وعلى فكرة عملية التقشير لازم تكون دقيقه يعني ما تخلي صوف وشعر الاضحية يلصق في اللحم او الطبقه الداخلية مابعد طبقة الصوف ثم نصل إلى المرحله ماقبل الاخيره الا وهي تقطيع الاضحية طبعاً التقطيع موش أي كلام لاااااء لازم يكون تقطيع مدروس اول شيء تسوي فتحة صغيره تحت الامعاء الغليظه وتدخل يدك عبر الفتحه وتضغط على الكرش والامعاء حتى تنزلها تحت وبعدين تشق الذبيحه وتخرج الكرش وتوابعها خارجاً وتخرج معها المراره الي فوق الكبد وبعدين تقطع االفخذ لوحدها والقفص الصدري لوحده والظهر لوحده والعصر لوحده والمغرب مع صاحبتها موش تقطع لي الفخذ مع القفص الصدري دنا اقتلك واشرب من دمك اه متخلنيش اشرح واتعب ومتعرفش تطبق وفيه نقطه صراحة ماني عارف كيف اوصلها لكم صراحه مستحي شوي الا وهي بعض الناس هداهم الله يحب اكل الاعضاء التناسليه للاضحيه لييييييييه مدري يستمتع بشويها على ( المركب = القز = بوتقاز صوووغييييير يعني ) وإلى الان لم اصل الى إجابة فا الي عنده جواب يفيدنا بالله عليكم , وعلى فكره في مرحلة التقطيع لازم يتقلقل رأس الاضحيه ( يتقلقل = يتشوي ) طبعاُ تقلقله مع الكراعين والي من عشاق الاعضاء التناسليه يقلقلها برضوا مع بقية العده الي بتتشوي ,هينا فيه نقطه مهمه عملية القلقله هذة تحتاج خبير استراتيجي في القلقله موش أي خبير لازم يكون خبير متخرج من عائلة بدوية اه بشهادة دكتوراه لان الراس يكون مليان شعر فاعند الشوي ينحرق ويشكل طبقه فحمية اهاااا هذة الطبقة لازم تزيلها بالسكين يعني تقعد مقابل الراس الى ان يتبخر جسمك بريحة الشوي دنته حتكره اليوم الي تولدت فيييه فاتقعد تقلب الراس وتزيل هذة الطبقه الفحمية الى ان يختفي كل الشعر من راس الضحيه وبعدين تغسل الراس بالماء, وتمسح اثار البصمات وتغادر موقع الجريمه (متأثر بمسلسل كونان)
اخر مرحلة الاوهي وضع اللحم في القدربعد اضافة الماء إليييه ووضع الملح والبعض يفضل الكبده والكلاوي فطوووووور يعني على بال مايستوي اللحم يسووون فطور كبده وكلاوي مع الشااااااهي ومايحتاج اقولكم كيف تسوون الكبده طبعاً طماطم مع بصل وبهارات تتحمس مع بعض ونضيف لها الكبده والكلاوي والماء ونتركها حتى تستوي , بعد اخراج اللحم من القدر نغسل الرز ونضعه في القدرطبعاُ يكون القدر مليان (مرق = دسم ) حتى يكتسب الرز الدسم والطعم والنكهه .
هذا شرح مفصل لعملية اغتيال الخروف في كل سنه في مثل هذا الشهرفي بيتنا العزييييييز والغريب في الامر انه إلى الان ما شكتنا حقوق الحيوان الدوليه على هذة الاغتيالات المتكرره
بس صراحه راح يتعبون لو يدققون فينا حنا حتى (الوزغه= وحر= بريعصي =البورص ) نغتاله كل مانشوفه على جدار صكيناه بجزمة مقاس 45 نلصقه بالجدارطيب ليييييه؟؟ حرام كان ماشي وفحالوا وماكلم احد ولا تحرش في احد حتى انه طيب محترم كل مابغى يدخل بيتنا يستأذن بصوتة المميز تغ تغ تغ هذا غير باقي الحشرات الي تنداس بالجزمة على وجهها.
وقابلوني لو احد فهم شيء من الكلام الي فوووق إذا انا كاتبه مافهمت شيء .
وللمعلومية الشرح هذا للخبراء يعني الي يعرف نفسه انه ماعندك احد يوديها المصلخ ويريح نفسه اخاف اكسب فيه اثم اعلمه ويروح يبي يجرب اول مايشوف الدم ينصرع ويدخل الانعاش
(وكل عام وانتم بخير) ,,,